الأربعاء، 1 مايو 2013

معليش سعادتك!!



لو مابتحس بدموع يتامى *** وفيك ما بتصحى الشهامة
إنت إنسان تاني خالص *** نسأل الله السلامـــــــــــــــه
*******************************************
ياعزيزي إنت قاعد *** ومهما   يحصل لا تبالي!!!!!
تشوف مآسي بلا نهايه *** وكــــــــــل أسباب الزوال
تقول لجارك وإنت خالف *** أهم حاجه أريـــح بالي!
******************************************
جارك المفروض تفاقدو *** أو أقلو يحــــــــــس بيكا
لو دا ياخ كتــــير عليكا *** وقد شُغــــــلت بما لديكا
امسح دمعة لو سمحت *** إذا في يوم جا يشكي ليكا
*****************************************
ما بقول لك يلا غامر  *** بي حياتك أو براحتــــــك
بس بقول حس لو شويه *** بالمآسي الجنب ساحتك
لو كلامي كتر عليكا *** ليك بقول معليش سعادتك!